“Lufta” që po zhvillohet mes federatave të Shqipërisë dhe Kosovës për talentet e rinj ka nxitur mjaft debate në vend, ku janë përfshirë trajnerë e futbollistë në deklarata thumbuese.
Trajneri i Llapit, Tahir Batatina, ka reaguar pas zhurmës që prodhoi vendimi i Edon Zhegrovës për të zgjedhur Kosovën.
Përmes faqes së tij në Facebook, Batatina ka shkruar që “Kosova e ka mbajtur mjaft Shqipërinë me lojtarë” dhe se tani duhet ta mbajë veten.
Postimi në Facebook:
Edhe nese je vllau i madhë duhet ta respektosh vllaun e vogël dhe ta ndihmosh ate të avansohet dhe të rritet jo të pengohet në aspektin profesionalë .Talentat e Kosoves nuk mundet ti marr askush sepse janë fryti i kti vendi dhe zoti i ka lindë në Kosovë dhe për këtë vend do ta ndjersin fanellen për vendlindjen e vetë dhe gjithmon do të ndihen krenar me shtetin e ri Kosoven.Kur ka qenë koha ne ju kemi ndihmu vllezërve tan por tash ne duhet ta ndertojmë shtëpin tonë dhe ta ngrisum në nivelin sa më të lart sportiv dhe të rritmi dita dites sa më shumë duke i respektuar të tjerët..Lufta ka përfundu por tash duhet të luftohet në fushen sportive për ta zhvillu dhe ngritë vendinë”Respektë për djemtë që zgjodhen Kosoven“
