Prostitucioni në Shqipëri po shtohet gjithnjë e më shumë, si në lulishte, qendra masazhesh apo edhe në hotele, pavarësisht se është e ndaluar me ligj.
Së fundmi, JOQ ka denoncuar një rast ku dyshohet se ushtrohet prostitucioni në hotelin “Star” në zonën e Astirit në kryeqytet. Në një video të publikuar, e cila është bërë në fshehtësi nga recepsionisti i hotelit, dhe nga biseda me një vajzë kuptohet se bëhet fjalë për ushtrim prostitucioni.
BISEDA:
Vajza: Jam duke ecur si në gjemba se po bëj shumë zhurmë
Recepsionisti: Iku ai? Ku shkon ashtu, hajde këtu
Vajza: Ça tha
Recepsionisti: Sa lekë bën, 15 mijë i thash
Vajza: Nuk e ka dityur ndoshta i shkreti
Recepsionisti: U fut kështu si fshehurazi, ndoshta s’donte të binte në sy, edhe hapi derën edhe iku
Vajza: Ndoshta ka harruar i shkreti, them unë sepse nuk e di
Recepsionisti: Ka lezet bablok
Vajza: Bam, bam. Bo sa na ka q*, veç në b****. Donte veç në b****
Recepsionisti: Ik e re
Vajza: Po kur më kapi b***** dhe flokët. Nesër prap këtu
Recepsionisti: A je duke ardh prap?
Vajza: Se di, do të të them
Po ashtu, JOQ ka publikuar edhe disa foto të tjera, ku dyshohet se vajza bjonde që shfaqet në video, nuk është e vetmja që ushtronte prostitucionin në atë hotel.
“Përshëndetje si jeni, banoj në Astir te rruga Teodor Keko,,ndodhet një hotel.. Star Hotel por është kthyer në problem se po përdoret për prostitucion dhe drogë,,jemi banor që banojmë mbi hotel,,kemi frikë të nxjerrim fëmijët jashtë,,kemi lajmëruar dhe policinë por askush nuk bën gjë kështu që ju lutem na duhet ndihma juaj ju faleminderit…” – shkruan qytetari i cili ka denoncuar rastin.
Pas publikimit të pamjeve, ka ardhur një reagim edhe nga vajza e cila shfaqet në video. Ajo pretendon se djali që i ka bërë videon në fshehtësi, është hequr tani nga puna, dhe shpik akuza të rreme ndaj hoteli. Ajo thotë më tej se është nënë e divorcuar me tre fëmijë dhe se është e drejtë e saj që t’i ndrrojë të dashurit ditë për ditë.
“Ore mund të marr një të dashur, e mbaj një muaj, tjetrin mund ta marr pas dy muajsh gjej tjetër o vlla. Është e drejta e çdo personi të gjejë një sot, një pasnesër, apo jo? Po normal që e mohoj, pse çi duhet atij se dal unë me të dashurin tim, pse ça quhet, kur dal unë me të dashurin quhet prostitucion? Tani ky, kur kam ardhur unë në takimin e radhës me shokun tim. Nga ajo që ka pas sjhumë muhabet me mua dhe qëndrimi i tepërt, sepse unë shkoja para, merrja dhomën dhe do hyja në hotel me shokun tim. Kupton? Unë i jepja muhabet atij, ai thotë tani që këtu, në këtë hotel ushtrohet prostitucion, sepse do t’i demaskojë si hotel. Çfarë faji kam unë këtu si qytetare? Ore, jo një të dashur, por unë ndërroj edhe pesë o vëlla, kam të drejtën time, nuk më pëlqen i pari, do marr të dytin. Mund të kem edhe 100 të dashur more, kuptoji gjërat mirë. Po qe puna për ta vërtetuar atë që thotë ai, e vërtetojmë bashkë me atë personin. Unë jam mami me tre fëmijë mo vlla, jam e divorcuar. Dhe nuk kam unë të drejtë të dal me persona ça dua unë? Më ndalon dikush mua? Se jam e divorcuar unë edhe dal me dikë për qejfin tim, nuk ka ndonjë gjë të keqe besoj. Mos na bëni varrin për një foto aty, apo për një q**** që kam bërë unë, që i q**** r*** me gjithë q**** që bëj unë. Se e mora qëpare në telefon, e di se ça më tha, nuk di asgjë unë, sapo jam zgjuar nga gjumi, ça po më thua. Dëgjo i thash nëse je ti që e ke bërë këtë veprim, mos më dil para syve i thashë. E di ai veten e vet, po hajt. Personi që ka hedhur videon, ka qenë recepsionist aty. Ky ishte muhabeti me mua, i kisha dhënë disa herë ndonjë pije, e kisha afruar. Se kështu tipi jam. Tani ai është hequr nga puna. E kanë hequr me dhunë, se për çfarë e kanë hequr nuk e di.” – shprehet vajza.
Pas publikimit të pamjeve, ka reaguar edhe Policia, e cila bën me dije se ka vënë në hetim, si vajzën që shfaqet në video, shtetasen M. B., 40 vjeçe, për veprën penale “Prostitucioni”, edhe ish-recepsionistin e hotelit, shtetasin T. S., 47 vjeç, ish-punonjës në hotelin ku dyshohet se ushtrohej prostitucion, për veprën penale “Moskallëzimi i krimit”.
Njoftimi:
Në lidhje me një rast të transmetuar ditën e djeshme, në portalin “JOQ”, që bën fjalë për një rast prostitucioni, në një hotel në Tiranë, ju bëjmë me dije se:
Specialistët e Seksionit për Hetimin e Trafiqeve të DVP Tiranë, pas publikimit të pamjeve filmike, organizuan punën për dokumentimin e plotë të këtij rasti, identifikimin dhe vënien përpara përgjegjësisë ligjore të shtetasve të përfshirë në këtë veprimtari.
Në vijim të veprimeve, specialistët e Seksionit për Hetimin e Trafiqeve të DVP Tiranë referuan materialet në Prokurori ku nisi procedimi penal për shtetasit:
– M. B., 40 vjeçe, për veprën penale “Prostitucioni”;
– T. S., 47 vjeç, ish-punonjës në hotelin ku dyshohet se ushtrohej prostitucion, për veprën penale “Moskallëzimi i krimit”.
Vijon puna hetimore për identifikimin dhe vënien përpara përgjegjësisë ligjore të shtetasve të tjerë përfshirë në këtë veprimtari të paligjshme.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
