Ndërsa numri i të vdekurve në Gaza dhe Izrael rritet, deri në 150 pengje po mbahen rob nga Hamasi, ndërsa familjet e tyre jetojnë me shpresë dhe frikë.
Grupi militant palestinez thotë se i ka fshehur në “vende dhe tunele të sigurta” brenda Gazës, por ka kërcënuar se do t’i vrasë nëse shtëpitë e civilëve bombardohen nga Izraeli pa paralajmërim.
Midis tyre janë Maya Regev, 21 vjeç dhe vëllai i saj Itay, 18 vjeç, nga Herzliya, raporton BBC.
Ata kishin marrë pjesë në festivalin e muzikës Supernova në Izraelin jugor. Në mëngjesin e sulmit, babai i Mayas mori një telefonatë nga vajza e tij, e cila bërtiti “Babi ata po qëllojnë mbi mua!”.
Familja tha se më vonë e panë Itay në pranga në pjesën e pasme të një automjeti në një video të publikuar nga Hamasi.
Doron Asher, nënë e dy vajzave, Raz dhe Aviv, u kap rob teksa qëndronte me të afërmit pranë kufirit të Gazës. Burri Yoni pa një video të gruas dhe vajzave të tij, pesë dhe tre vjeç, duke u ngarkuar në një kamion me pengje të tjerë.
Këtu janë historitë e njerëzve të konfirmuar nga BBC, ose të raportuara në mënyrë të besueshme, se janë marrë peng nga Hamasi nga Izraeli. Ato përfshijnë 13 fëmijë dhe të paktën tetë mbi 60-ta.
