Fakulteti i Ekonomikut në Tiranë do ta bëjë ditën e hënë (16 tetor) pushim, për shkak të masave të marra nga policia në kuadër të mbajtjes në kryeqytetin shqiptar të samitit të Procesit të Berlinit.
Fakulteti i Ekonomikut i ka njoftuar sot studentët përmes një postimi në rrjetet sociale, teksa vlen të theksohet se një prej akseve që do të bllokohen është edhe rruga e “Ebasanit”.
Njoftimi:
Njoftim për studentët dhe stafin e Fakultetit të Ekonomisë, UT
Me vendim të Dekanatit, për arsye të masave të marra për bllokimin e rrugëve në zonën ku ndodhet godina e Fakultetit të Ekonomisë edhe për këmbësorët, për shkak të zhvillimit të Samitit të Berlinit në Tiranë, njoftohen studentët dhe stafi se dita e hënë datë 16 Tetor 2023 do të jetë pushim dhe do të zëvendësohet një ditë tjetër.
