Linja të shumta ajrore kanë njoftuar anulime të fluturimeve për dhe nga Tel Aviv gjatë gjithë fundjavës, në vazhdën e ofensivës ushtarake të Hamasit ndaj Izraelit.
-Lufthansa-
Grupi gjerman, transportuesi kryesor i Evropës, po anulon fluturimet e tij drejt dhe nga Tel Aviv deri të hënën përfshirëse për shkak të “situatës së sigurisë”, pas nisjes së një ofensive të befasishme ushtarake nga Hamasi, tha një zëdhënës.
“Duke pasur parasysh situatën aktuale në Izrael, Lufthansa po anulon të gjitha fluturimet për dhe nga Tel Aviv deri të hënën përfshirëse”, tha zëdhënësi.
Të njëjtin vendim ka njoftuar edhe kompania belge ”Brussels Airlines”, degë e Lufthansa.
Kompania thotë se është “e gatshme të bashkëpunojë me autoritetet për të organizuar riatdhesime ose fluturime ndihmash”.
– Air France-KLM-
“Në koordinim me Drejtorinë e Përgjithshme Franceze të Aviacionit Civil dhe autoritetet izraelite, Air France po pezullon shërbimin e saj në Tel Aviv deri në një njoftim të mëtejshëm”, tha një zëdhënës i kompanisë për AFP, e cila siguron zakonisht dy fluturime në ditë për në Tel Aviv.
“Masat komerciale janë vendosur, duke i lejuar klientët të shtyjnë ose anulojnë udhëtimin e tyre pa pagesë,” tha ai.
”Transavia”, “low cost” e grupit Air France-KLM, njoftoi në një deklaratë për shtyp se do të anulojë të gjitha fluturimet e saj drejt Tel Avivit deri të hënën përfshirëse.
“Transavia France anulon fluturimet e saj për në Tel Aviv dhe niset nga Paris Orly dhe Lyon Saint Exupéry të dielën më 8 tetor (2 fluturime nga Paris Orly) dhe të hënën 9 tetor (3 fluturime nga Paris Orly dhe 1 fluturim nga Lyon Saint Exupéry)”. tha kompania.
-Iberia-
Kompania spanjolle tregoi në rrjetet sociale se dega e saj me kosto të ulët Iberia Express po anulonte fluturimet e saj drejt ose nga Tel Aviv të shtunën “për shkak të situatës në Izrael”.
– ITA Airways-
Kompania italiane njoftoi në X se kishte anuluar fluturimet e saj drejt dhe nga Tel Aviv deri të dielën në mëngjes “për të ruajtur sigurinë e pasagjerëve dhe ekuipazhit”.
– LOT-
Kompania polake tha se kishte anuluar fluturimet e saj që lidhnin kryeqytetin polak me Tel Aviv të shtunën “për shkak të situatës në Izrael”. Ajo nuk ka dhënë informacion për ditët në vijim.
-Aegean-
Kompania greke Aegean Airlines njoftoi më
-Swiss-
Linja ajrore zvicerane njoftoi se do të pezullojë fluturimet e saj për në Tel Aviv nga mbrëmja e së shtunës deri në një njoftim të dytë.
Pas një rishikimi të plotë dhe të vazhdueshëm të situatës aktuale të sigurisë, Swiss vazhdoi të kryejë fluturime nga Cyrihu në Tel Aviv dhe Tel Avivi në Cyrih në mesditën e së shtunës, tha kompania për Keystone-ATS.
