Mbrojtësi Mërgim Mavraj do të mbajë edhe shiritin e kapitenit në krah në duelin miqësor ndaj Norvegjisë.
Në një konferencë për mediat, Mavraj bëri krasimin mes dy trajnerëve De Biasit dhe Panuccit.
“ Mosha bën të vetën, Panucci është disi më energjik se De Biasi dhe ndryshon nga ai. Mbrojtja me asnjë nga trajnerët nuk ka qenë problem kështu që besoj se do të vazhdojmë të bëjmë paraqitje të mira në këtë repart”.
Ndryshimi i modulit të lojës?
“ Në futboll rëndësi kanë vetëm rezultatet dhe jo mënyra sesi luan skuadra. Është e vërtetë që tashmë jemi më të prirur drejt sulmit, por edhe De Biasi ka meritat që kombëtarja është në këtë nivel që ndodhet sot”.
