Goli i Arbnor Mujës nuk mjaftoi që skuadra e tij Antwerp të dilte me pikë nga sfida me Shakthar Donetsk.
Edhe pse e mbyllën pjesën e parë në avantazh të dy golave, ekipi belg u dorëzua në pjesën e dytë. Muja shënoi një gol spektakolar vetëm pas 3 minutash lojë.
Në minutën e 33-të, Balikwisha dyfishoi rezultatin dhe me këtë rezultat ekipet shkuan në dhomat e zhveshjes. Pjesa e dytë e lojës ishte komplet për tu harruar për Antwerp. Shakthar shënoi tre herë në pjesën e dytë duke përmbysur rezultatin dhe duke marrë tre pikët.
Në sfidën tjetër të luajtur në orën 18:45, Atletico Madrid dhe Feynoord dhuruan spektakël golash. Plot 4 gola u shënuan në pjesën e parë, me ekipet që shkuan në baraspeshë në dhomat e zhveshjes. Në pjesën e dytë Morata shënoi për ti dhënë fitoren ekipit spanjoll.
