Këngëtarja shqiptare Dua Lipa, ka bërë një bashkëpunim me ish-të dashurin e Rita Orës, DJ Calvin Harris, pak kohë para “Brit Awards” ku fitoi dy çmime.
Bëhet fjalë për këngën “One Kiss”, e cila pritet të publikohet së shpejti.
Lajmin e ka bërë të ditur vetë Calvin nëpërmjet një postimi në ‘Twitter’, ku shfaqet një ‘barcode’, i cili nëse skanohet tregon titullin e këngës që DJ Calvin dhe Dua Lipa kanë regjistruar së bashku.
Harris ka qenë në një lidhje me këngëtaren shqiptare Rita Ora shumë vite më parë, ndërkohë që më pas u përfol për lidhjen me Taylor Swift, raport i cili mori fund në 2016.
