Ministri i Brendshëm i Kosovës, Xhelal Sveçla ka deklaruar se pas sulmit të zhvilluar në 24 shtator në Banjskë, janë gjetur prova që tregojnë se Serbia mbështetet nga Rusia.
Në një intervistë për RadioTelevizionin Shqiptar, ai deklaroi se vetë mbështetja politike që Rusia i jep qeverisë së Serbisë lidhur me këtë aksion tregon se ata janë në të njëjtën linjë.
“Kemi kapur 24 automjete në terren. Në një prej tyre kemi gjetur dokumente ruse. Ka edhe armatim rus. Dy nga mjetet e kapura janë prodhim rus, donacion ushtrisë së Jugosllavisë. Por edhe vetë mbështetja politike që Rusia i jep qeverisë së Serbisë lidhur me këtë aksion tregon se ata janë në të njëjtën linjë,” tha Sveçla.
