Një 60-vjeçar është proceduar ditën e sotme pasi është kapur në flagrancë duke gërryer me ekskavator shtratin e lumit Drini i Zi.
Procedimi ka nisur për shtetasin me iniciale, M.M.
“Në zbatim të planit të masave për parandalimin, evidentimin dhe goditjen e krimeve mjedisore, shërbimet e Policisë Dibër dhe Bulqizë, mbështetur në informacionet e siguruara nga inteligjenca policore, evidentuan dhe goditën tre raste të krimeve mjedisore. Si rezultat, u referuan materialet në Prokurori dhe nisi procedimi penal për shtetasit :
M.M., 60 vjeç, banues në fshatin Muhurr, pasi u kap në flagrancë teksa gërryente me ekskavator shtratin e lumtit Drini i Zi, me qëllim nxjerrjen e kundërligjshme të inerteve. Në bashkëpunim me IMT Dibër, u sekuestrua në cilësinë e provës materiale mjeti ekskavator dhe një sasi inertesh të përfituara në kundërshtim me ligjin”,- njofton Policia.
Materialet proceduriale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër për veprime të mëtejshme.
