Presidenti i Ukrainës, Volodymir Zelensky ka emëruar ish-kampionin e futbollit Andriy Shevchenko si këshilltarin e tij të pavarur.
Lajmi bëhet i ditur nga mediat lokale, që citojnë edhe dekretin presidencial të publikuar në faqet e tyre.
Një lëvizje surprizuese e numrit një të Ukrainës pas rikthimit nga Shtetet e Bashkuara të Amerikës ku foli në Asamblenë e Kombeve të Bashkuara.
Shevchenko është aktivuar publikisht gjatë këtyre viteve të luftës dhe shkatërrimit duke kërkuar të shfrytëzojë famën, karizmën e tij të padiskutueshme dhe impenjimin publik për të ndihmuar atdheun e tij pas pushtimit rus.
Shevchenko gjatë karrierës së tij ka luajtur te Dinamo e Kievit, Chelsea dhe Milan, ku fitoi famën e një prej sulmuesve më të mirë në botë. Që nga 2016 deri në 2021 ka qenë trajner i kombëtares së vendit të tij dhe i është dhënë edhe titulli “Hero i Ukrainës”.
Si futbollist çmimi më i madh individual është “Topi i Artë” i fituar në 2004.
