Migen Memelli, që paradite u sulmua me thikë në kompleksin stërvitor “Skënder Halili”, ka pohuar se fizikisht ndihet mirë dhe pa pasoja për jetën.
“Po, është e vërtetë që jam sulmuar nga një prind, por fatmirësisht nuk më kapi biçaku i tij. Më gjuajti me grushte, jam i rënduar vetëm nga ana psikologjike, pasi nuk e prisja një gjë të tillë. Vdekja vetëm nga Zoti më vjen, nuk është çështje frike, por ngjarja e tillë lë shenjë për të gjithë” – ka thënë Memelli.
Më pas ai është shprehur: “Fatmirësisht, ndodheshin shumë persona të tjerë pranë dhe ndërhynë. Ishte edhe Krenar Alimehmeti, por edhe futbollistët janë shokuar nga ngjarja. Janë 17 vjeçarë, mendoni pak tronditjen e tyre.”
“Kam denoncuar në polici dhe të merret drejtësia me të. Le të shërbejë ky rast për të marrë masa dhe të vihen rregulla të tjera, qoftë në stërvitje, qoftë kur ka ndeshje. Jemi sharë e fyer pa fund, por kur vjen puna te sulmi fizik, ky është kumi” – ka thënë Migen Memelli.
