Moti i keq me erë dhe reshje shiu ka shkaktuar probleme në rrugët nacionale te Qarkut Dibër.
Më problematike situata paraqitet në rrugën e Arbrit, kryesisht në bajpasin e Murrizit, segmentin e Xibrit dhe Bulqizë- Maqellarë.
Në këto zona ka patur rënie të vazhdueshme gurësh të cilët janë kthyer në rrezik për aksidente. Reshjet intensive kanë bërë gjithashtu që kanalet anësore të rrugës të bllokohen e si pasojë uji të vërshojë i gjithë në rrugë. Kjo situatë ka krijuar vështirësi në qarkullimin e automjeteve.
