Plot 11 milionë e-maile të zbuluara nga arkivat e kabinetit panamez Mossack Fonseca, tregojnë se si i fshehin paratë politikanët, njerëzit e krimit, sportistët dhe miliarderët që duan t’i fshihen taksave.
Çështjen që tani njihet si “Panama Papers” përveç gazetës gjermane po e studion edhe prestigjozia franceze Le Monde së bashku me Konsorciumin Ndërkombëtar të Gazetarëve investigues (ICIJ). Ata kanë zgjedhur këtë mënyrë bashkëpunimi si në rastin e wikiliksit, për të përpunuar morinë e madhe të dokumenteve.
Kryeministri i Islandës, Sigmundur David Gunnlaugsson, është larguar nga një intervistë pasi u pyet rreth milionave të tij në Panama.
Shikojeni momentin kur ai largohet nga intervista, duke i thënë gazetarit se deshi ta mashtrojë.
“Kjo gjë po bëhet aq e dyshimtë, e nuk ka asgjë të dyshimtë këtu”, thotë kryeministri. Ndërkaq duke u larguar ai nga salla, i thotë gazetarit se kjo është e papranueshme.
