Dinamikat në vilën e “Love Island” po bëhen nga java në javë gjithnjë e më interesante, teksa në spektaklin e djeshëm surprizat kanë qenë të shumta.
Por, veç suprizave nuk kanë munguar dhe përplasjet, ku një prej tyre u regjistrua mes konkurentes Xhoana dhe Olti Currit, i cili është në rolin e opinionistit. Ky i fundit është revoltuar nga fjalët e Xhoanës, e cila i është drejtuar partnerit të saj Arlindit që të “mos e krahasojë me laraskat e tjera në vilë”.
Këto fjalë të Xhoanës janë marrë si ofendim nga Olti për vajzat e tjera në vilë, teksa e ka pyetur se për cilën prej tyre e ka patur, por konkurentja nuk i ka dhënë asnjë emër konkret.
Xhoana u shpreh se laraska është shpend dhe sipas saj kjo fjalë nuk është ofendim. Pas kësaj fjalie, Olti i është drejtuar Xhoanës me fjalët ironike “je bërë e bukur si një laraskë”.
Xhoana ia ka kthyer me të njëjtën monedhë, teksa i është drejtuar me fjalët “Faleminderit Olti, edhe ti je bërë i bukur si një elefant”. Pas këtij momenti, Olti ka mbetur pa fjalë, teksa ka ardhur ndërhyrja e Luanës e cila ka ndërruar temë diskutimi.
Por, duket se Olti këto fjalë i ka marrë me sportivitet, pas më vonë ka hedhur një foto në InstaStory me një emoji elefanti.
