Një avion privat është përplasur dhe është ndarë në dy pjesë gjatë uljes në Mumbai (i njohur më parë si Bombei), në bregun perëndimor të Indisë.
Edhe pse avioni u nda në dy pjesë, tetë personat që ishin në bord kanë shpëtuar për mrekulli.
Avioni ishte nisur nga Visakhapatnam me gjashtë pasagjerë dhe dy pilotë. Moti i keq ka mbizotëruar në Mumbai, me reshje shiu dhe dukshmëri të kufizuar.
Imazhet e transmetuara nga televizioni indian treguan avionin privat duke rrëshqitur nga pista e aeroportit, ndërsa zjarrfikësit dhe ambulancat nxituan në vendngjarje.
Për shkak të aksidentit dhe mobilizimit që pasoi, ka pasur vonesa në nisjen e disa fluturimeve. Drejtoria e Përgjithshme e Aviacionit Civil të Indisë po kryen një hetim për të përcaktuar shkakun e aksidentit.
