Ish-kryeministri Sali Berisha reagon për çështjen e detit duke akuzuar dyshen Rama-Bushati se po kryejnë akt tradhëtie duke përfshirë në grupin negociator spiunin e provuar. Sipas tij, dhënia e autorizimit shënon de facto thjesht formalizimin e marrëveshjes së negociuar dhe arritur nga spiuni patriot dhe neobllokmenet apatride, Edvin Kristaq Rama dhe Ditzi Bushati.
Më poshtë reagimi i plotë i Berishës:
Çfare i fshehin Presidentit te Republikes dhe opinionit publik, Rama dhe Ditziu i tij?
Te dashur miq, dje Presidenti i Republikes Meta, pasi ne një akt te pashembullt ne historinë e mardhënieve ndërinstitucionale të shtetit shqiptar, u detyrua të ktheje dy herë për plotësime në përputhje me Kushtetuten kërkesen për te dhënë autorizimin për fillimin e negociatave për marreveshjen e detit me Greqine, autorizoi ministrin Bushati për nisjen e tyre.
Presidenti natyrisht nuk mund të mos jepte atë autorizim pasi kërkoi plotësimin e kushteve që kërkon vendimi i Gjykates Kushtetuese për dhënien e tij.
Por cilido që ka ndjekur mediat shqiptare dhe greke, deklaratat në këto media të Edi Ramës, Ditzi Bushatit dhe homologëve grek të tyre, e ka te qarte se Rama dhe Ditziu i tij i fshehen Presidentit të Republikes dhe qytetareve shqiptarë asgjë me teper se sa marreveshjen e tyre të arritur me palen greke, me të cilen, duke vendosur kryenegociator një spiun tashme te provuar, i kanë falur Greqise fushat më te medha te gazit dhe naftes në Jon dhe Mesdhe.
Rama dhe Ditziu i tij, që kërkojnë tani autorizimin për negociatat e përfunduara, deklaruan se marreveshja është arritur, të njejten gjë pohuan edhe homologët e tyre grekë parlamentareve dhe mediave greke.
Vetë Rama në intervistë televizive i pyetur nga gazetari, pasi deklaroi se marreveshja është arritur, nëse është marrë plotfuqia e Presidentit të Republikes ashtu siç kërkon vendimi i Gjykatës Kushtetuese, u pergjigj në mënyre të përseritur se nuk e dinte.
Kurse Ditziu i tij, pasi iu deklaroi deputetëve në komisionin e jashtëm të parlamentit se grupin negociator e kishte sekret dhe nuk ia thoshte njeriut, duke shpresuar se do mund te fshihte spiunin në paje, provokoi në një mbledhje tjetër me gjuhë halabaku ndaj Presidentit te vendit, duke menduar se kjo gjuhë e denje per bastardë bllokmenesh do të detyronte presidentin të deklaronte se, sa te jete Bushati minister i Jashtem ai nuk do firmoste autorizimin dhe, në këte mënyre, Rama do mund t’i fshihte si leter të vdekur presidentit dhe mbarë shqiptarëve, marreveshjen e tradhëtise së larte kombetare të negociuar nga një spiun i damkosur, me të cilen i falen gjitonit tonë jugor pasurite perrallore kombëtare, trilionat e tonelatave të gazit dhe naftës qe i takojnë Shqiperisë.
Kështu qe, dhenia e autorizimit shenon de facto thjesht formalizimin e marreveshjes se negociuar dhe arritur nga spiuni patriot dhe neobllokmenet apatride, Edvin Kristaq Rama dhe Ditzi Bushati, e cila lumturon Greqine jo vetem me faljen e fushave me te medha te gazit dhe naftes ne Jon dhe Mesdhe, por dhe zgjerimin e siperfaqes se ujrave te saj territoriale me se paku 1700 km kator me shume se sa ka sot, dhe kjo e tera ne ndeshkim te Shqiperise dhe territoreve dhe interesave te saj kombetare!
Iu bej thirrje qytetareve shqiptare te ngrihen fuqishem ne mbrojtje te pasurive perrallore, integritetit territorial te kombit shqiptar dhe Shqiperise, te shitura per interesa te pushtetit te tyre, ne nje akt tradhetie te larte kombetare, nga klika e neobllokmeneve Edvin Kristaq Rama dhe Ditzi Sulejman Bushati.
