Ndryshimi i ministrit të Jashtëm është pasuar edhe nga ndryshime në rang ambasadorësh.
Zyra e shtypit pranë Presidencën konfirmoi këtë të enjte se Presidenti i Republikës Bajram Begaj dekretoi sot lirime dhe emërime të disa ambasadorëve.
Gjatë Asamblesë së PS-së, kryeministri Edi Rama njoftoi shkarkimin e Olta Xhaçkës si ministre e Jashtme dhe emërimin në vend të saj të Igli Hasanit. Ndryshimet në qeveri u dekretuan nga kreu i shtetit dhe ditën e hënë morën edhe miratimin e Kuvendit.
Ndryshimet në radhët e ambasadorëve
- Lirohet Qemal Minxhozi nga detyra e Ambasadorit të Republikës së Shqipërisë në Republikën e Kosovës, rezident.
- Lirohet Saimir Bala nga detyra e Ambasadorit në Shtetin e Kuvajtit, rezident, si dhe nga detyra e Ambasadorit të Jashtëzakonshëm dhe në Republikën e Irakut, jorezident.
- Lirohet Ilirian Kuka nga detyra e Ambasadorit në Republikën e Çekisë, rezident.
- Lirohet Ilir Tepelena nga detyra e Ambasadorit në Republikën e Rumanisë, rezident.
- Lirohet Pëllumb Qazimi nga detyra e në Republikën e Sllovenisë, rezident.
- Lirohet Enkeleda Mërkuri nga detyra e Ambasadorit të Shqipërisë në Republikën e Sllovakisë, rezident.
- Lirohet Elida Petoshati nga detyra e Ambasadorit në Mbretërinë e Danimarkës, rezident.
- Lirohet Shpresa Kureta nga detyra e Ambasadorit në Republikën e Polonisë, rezident, si dhe nga detyra e Ambasadorit në Republikën e Estonisë, Republikën e Letonisë, Republikën e Lituanisë dhe në Republikën e Ukrainës, jorezident.
- Emërohet Petrit Malaj, Ambasador i Jashtëzakonshëm dhe Fuqiplotë i Republikës së Shqipërisë në Republikën e Kosovës, rezident.
- Emërohet Ilir Hysa, Ambasador i Republikës së Shqipërisë në Shtetin e Kuvajtit, rezident, dhe Ambasador në Republikën e Irakut, jorezident.
- Emërohet Ilir Tepelena, Ambasador në Republikën e Çekisë, rezident.
- Emërohet Enkeleda Mërkuri, Ambasador Shqipërisë në Republikën e Rumanisë, rezident.
- Emërohet Oljan Kanushi, Ambasador në Republikën e Sllovenisë, rezident.
- Emërohet Mimoza Halimi, Ambasador i Shqipërisë në Republikën e Polonisë, rezident, dhe Ambasador në Republikën e Estonisë, Republikën e Letonisë, Republikën e Lituanisë dhe në Republikën e Ukrainës, jorezident.
- Emërohet Sokol Dedja, Ambasador në Mbretërinë e Danimarkës, rezident.
