Durrësi i Vangjushit mbytet me një lugë ujë, pasojat që mbetën pas…

Një ditë më parë disa lagje në Durrës u mbuluan nga uji, duke lënë pasoja të rënda nga përbytjet. Qindra biznese kanë pësuar dëme të shumta materiale, ndërsa prania e bashkisë nuk ndihet as pas përmbytjeve. Mungesa e kanalizimeve dhe aferat korruptive të Bashkisë Durrës në ndërtimin e infrastrukturës urbane, kanë nxjerrë zbuluar bashkinë që për katër mandate drejtohet nga Vangjush Dako. Një nga problemet kryesore të përbytjeve lidhet edhe me dhënien e lejeve pikërisht në zona ku kalojnë kolektorët kryesore të ujit dhe mungesa e kanalizimeve. Të irrituar nga situata e përsëritur, pas çdo reshjeje shiu janë dhe banorët e Spitallë-Porto Romano, të cilët deklarojnë se nuk janë dëmshpërblyer asnjëherë, ndonëse përmbytjet u vijnë si pasojë e ndërtimeve pa kriter mbi kolektorë e mospastrimit të kanaleve kulluese. Edhe bizneseve të vogla të zonës janë dëmtuar rëndë, ndërsa shprehen se autoritetet vendore kujtohen vetëm për të vjelur taksat. Ndërsa ka nevojë ulëritëse për investime në ifrastrukturë, Dako dhe bashkia që drejton i ka përqëndruar “forcat” në ndërtimin e objekteve të luksit dhe makiazhit të “Rilindjes Urbane”, njëra prej të cilave është vepra “Veliera” e projektuar për tu ndërtuar në rrënojat e qytetait antik.