Nedim Bajrami është një nga emrat për të përfolur të momentit pas golit fantastik të shënuar kundër Çekisë.
Ai bëri krenar të gjithë shqiptarët kudo që ndodhen. Por nëse do te dini akoma më shumë historinë e tij dhe peripecitë për t’iu bashkuar kombëtares do t’a doni akoma edhe më shumë dhe do të ndiheni akoma edhe më krenar për djemtë shqiptarë.
24-vjeçari ka lindur në Zvicër nga një baba nga Tetova dhe një nënë nga Gostivari. Para se t’i bashkohej kombëtares ai ka luajtur për ekipet e të rinjve zviceranë dhe patjetër si sot ka shkëlqyer edhe atje.
Në këtë kulm të karrierës së tij të re, ai ishte gati të luante në kampionatin evropian për 21-vjeçarë me Zvicrën, pasi kishte luajtur mbi 50 ndeshje për ekipe të ndryshme zvicerane për të rinj.
Pikërisht në këtë moment ai zgjodhi një rrugë të ndryshme nga paraardhësit e tij Xhaka, Shaqiri apo Berhami.
Ai refuzoi të vishte ngjyrat e vendit që e kishte adoptuar duke i thënë jo ofertës së zviceranëve.
Federata zvicerane e apeloi këtë vendim dhe fillimisht FIFA e mbështeti atë. Organizata drejtuese botërore e futbollit refuzoi kërkesën e FSHF-së që Bajrami të lejohej të luante për Shqipërinë, me pretendimin se ai kishte luajtur për Zvicrën në katër ndeshje pasi kishte mbushur 21 vjeç.
Çështja mbeti e pezulluar derisa Federata Shqiptare vendosi të mos të heqë dorë dhe të ndjekë rastin e Bajramit në Gjykatën e Arbitrazhit Sportiv (CAS) në Lozanë.
Kërkesa e paraqitur në qershor 2021 u shqyrtua në gusht të po atij viti dhe më në fund Nedim Bajrami u lejua të luante për Shqipërinë.
