Deputeti i Partisë Demokratike Ervin Salianji, ka dalë me një reagim lidhur me cmimin e naftës , e cila po kapërcen shifrën 200 lekë për liter.
Përmes një postimi në rrjete sociale, Salianji shprehet se qeveria ka krijuar puse pasurimi vetëm për një grusht njerëzish, duke dëmtuar kështu ekonominë e biznesit dhe xhepat e qytetarëve.
Postimi:
Kontrabanda e naftës bën kërdinë, madje dhe nga vende nën embargo si Libia, ndërkohë që fitimi i kompanive të tregtimit të karburanteve ka arritur majat me përkëdheljen e oligarkëve dhe ndarjen e përfitimeve me ta!
Çmimi i naftës po kapërcen kufijtë e 200 lek për litër duke rënduar xhepat e qytetarëve dhe duke dëmtuar ekonominë e biznesit dhe familjeve, qeveria ka krijuar puse pasurimi vetëm për një grusht njerëzish dhe kujdeset pêr ta, asnjë ndërhyrje, asnjë ndihmë dhe thuajse zero kontrolle!
Duhet ndryshim!
