Në Norvegji janë sulmuar me thikë dy profesorë në Universitetin e Oslos. Një prej tyre ndodhet i shtruar në spital në gjendje kritike, siç njoftoi policia norvegjeze, e cila arrestoi studentin që konsiderohet si i dyshuari kryesor.
Ngjarja ka ndodhur pasdite në ambientet e Qendrës Kombëtare të Kërkimeve për Mjedisin e Punës, e cila është pjesë e Universitetit të Oslos.
Christian Bjorberg, kreu i forcës policore që nxitoi në zonë, tha në një konferencë për shtyp se autori i dyshuar u arrestua, dhe se të plagosurit u dërguan në një spital në rrethin Uleval.
Nga ana e policisë janë sekuestruar dy thika, të gjetura në vendngjarje.
Sipas informacioneve të transmetuara nga gazeta Dagbladet, i arrestuari është rreth 20-vjeç. Një profesor rreth 60-vjeç ndodhet i shtruar në spital në gjendje të rëndë, dhe kolegu i tij rreth 30-vjeç është plagosur lehtë.
