Tashmë gjithçka është zyrtare, “kollosi” spanjoll i qendërmbrojtjes së Manchester City, Aymeric Laporte është lojtari më i ri i “gjigandëve” arabë të Al-Nassr, me 29-vjeçari, që nënshkroi këtë të enjte kontratën e tij me sauditët.
Për kartonin e spanjollit, bordi i arabëve hodhi në arkat e “qytetarëve” të Manchester City plot 30 milionë euro, si dhe i ofroi 29-vjeçarit, një kontratë 3-vjeçare, nga e cila do të përfitojë plot 25 milionë euro në sezon.
Ndërkaq, kujtojmë se te City, Laporte mbërriti në verën e vitit 2017 dhe përgjatë karrierës së tij te “qytetarët” ka arritur të fitojë, 1 Champions League, 5 herë titullin e Premier League, 4 herë EFL Cup, 2 herë FA Cup, 1 Superkupë Evrope dhe 2 herë Superkupën e Anglisë.
