Një 34-vjeçar është arrestuar nga policia në Skrapar, pasi qëlloi me armë zjarri të llojit kallashnikov brenda banesës në pronësi të një 61-vjeçari.
Sipas uniformave blu ai i ka rrezikuar jetën anëtarëve të një familje dhe ngjarja ka ndodhur për motive të dobëta.
“Blutë” kanë sekuestruar armën e zjarrit kallashnikov dh 21 fishekë luftarak.
Njoftimi i policisë:
Pas marrjes së njoftimit se rreth orës 23:00, të datës 20.08.2023, brenda një banese në fshatin Potom, ishte qëlluar me armë zjarri, shërbimet e Komisariatit të Policisë Skrapar kanë organizuar punën dhe kanë mbërritur menjëherë në vendngjarje, me qëllim arrestimin e autorit.
Si rezultat i veprimeve të shpejta të shërbimeve të Policisë së Skraparit, në bashkëpunim me ato të Forcës së Posaçme Operacionale të DVP Berat, u kap dhe u vu në pranga shtetasi , 34 vjeç, banues në fshatin Potom, Skrapar.
Shtetasi 34 vjeçar ka qëlluar me armë zjarri kallashnikov, drejt mureve të banesës së shtetasit , 61 vjeç, për të kanosur anëtarët e familjes së këtij shtetasi, për shkak të një konflikti për motive të dobëta që kishte me ta.
Arma e zjarrit kallashnikov me të cilën u qëllua, dhe 21 fishekë luftarak, u gjetën dhe u sekuestruan nga Policia, në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme
