Një përpjekje urgjente shpëtimi është duke u zhvilluar sot në Pakistan për gjashtë fëmijë dhe dy të rritur të bllokuar në një kabinë teleferiku të varur 274 metra mbi një rajon malor në veriperëndim të vendit.
Fëmijët po shkonin për në shkollë në provincën e Khyber Pakhtunkhëa kur një nga kabllot e teleferikut u këput në orën 9 të mëngjesit me orën vendore këtë të martën, sipas Autoritetit Kombëtar të Menaxhimit të Fatkeqësive të Pakistanit.
Një ekip i Grupit të Shërbimeve Speciale të Ushtrisë së Pakistanit (SSG) ka nisur një operacion shpëtimi për t’i shpëtuar me helikopterët e Aviacionit të Ushtrisë së Pakistanit dhe Forcave Ajrore të Pakistanit.
Një helikopter vëzhgimi arriti fillimisht në vendndodhje përpara se të mbërrinte një helikopter më i madh për të siguruar që kishte hapësirë të mjaftueshme për të transportuar të gjithë të shpëtuarit, tha zv.skomisioneri i distriktit Tanveer Ur Rehman.
Ai tha se helikopterët do të qëndrojnë në ajër derisa të përfundojë operacioni i shpëtimit pasi afrimi i tyre bëri që kablloja e mbetur të lëvizte shumë.
Dy nga nxënësit janë luhatur mes humbjes së vetëdijes, tha një nga pasagjerët për median pakistaneze Geo News.
Një pasagjer, i quajturGulfaraz, u kërkoi autoriteteve shtetërore të ndërmarrin veprime. Ai tha se nxënësit e moshës 10 deri në 15 vjeç nuk kishin as ujë të pijshëm.
Personeli i shpëtimit u ka dhënë pasagjerëve ilaçe për të vjella pas raporteve se fëmijët kanë vjella, tha Ur Rehman, duke shtuar se të bllokuarve iu dhanë gjithashtu ilaçe për zemrën. Një pasagjer 16-vjeçar që ndodhet brenda, i cili vuan nga një sëmundje e zemrës, ka qenë pa ndjenja për tri orët e fundit; adoleshenti po shkonte në spital me teleferik.
Teleferiku lidh dy komunitete në rajon dhe kalon nëpër dy kabllo, njëri prej të cilëve u këput, sipas zyrtarit të shpëtimit, Bilal Ahmad Faizi.
Misioni i shpëtimit është i komplikuar për shkak të erërave të forta në zonë dhe faktit që tehet e rotorit të helikopterit rrezikojnë të destabilizojnë më tej ashensorin, tha Shariq Riaz Khattak.
Kryeministri i përkohshëm i Pakistanit, Anëar-ul-Haq Kakar, ka urdhëruar mbylljen e menjëhershme të të gjithë “teleferikëve të rrënuar dhe që nuk janë në gjendje ”, sipas një deklarate nga zyra e tij.
Shumë fëmijë që jetojnë në pjesë të largëta dhe malore të provincës Khyber Pakhtunkhëa mbështeten te teleferiku për t’i dërguar me traget në shkollë dhe mbrapa. Disa prej tyre nuk kanë mirëmbajtje të rregullt dhe mund të jenë një formë e rrezikshme udhëtimi.
