Flamur Buçpapaj, pronari një medie radiofonike, i është drejtuar komisariatit nr. 6 këtë të hënë, duke denoncuar se ndaj tij kanë mbërritur kërcënime për jetën për motive pronësie.
Sipas bluve, 65-vjeçari, i ka kallëzuar se ka konflikt pronësie me shtetasin E.D. për një pronë të ndodhur në fshatin Vishnje dhe ndihet i kërcënuar prej tij.
Pas depozitimit të kallëzimit, efektivët kanë shoqëruar në komisariat E.D..
Grupi hetimor, nën drejtimin e Prokurorisë, po punon për sqarimin e rrethanave të ngjarjes dhe kryerjen e veprimeve të mëtejshme procedurale, thuhet më tej në njoftimin e bluve.
Përveç radios, Buçpapaj rezulton dhe pronar i një firme ndërtimi, referuar të dhënave në QKB.
