Një aksident i rëndë rrugor është regjistruar pasditen e sotme në aksin Lushnjë-Berat.
Një automjet i tipit “Fuoristradë” ka dalë nga rruga duke përfunduar në një kanal kullues.
Për pasojë kanë mbetur të plagosur 5 persona, të cilët janë transportuar me urgjencë drejt spitalit të Lushnjës, ku po trajtohen me ndihmë mjekësore.
Mësohet se si pasojë e daljes nga rruga, është dëmtuar drejtuesi i mjetit 47-vjeç, bashkëshortja 37 vjeçe dhe fëmijët e tyre të mitur, të moshave 14 vjeç, 13 vjeç dhe 7 vjeç.
Forcat e policisë kanë mbërritur në vendngjarje dhe po hetojnë për shkaqet që kanë shkaktuar humbjen e kontrollit të mjetit nga ana e drejtuesit.
