Një ngjarje e rëndë u regjistrua pasditen e djeshme në plazhin e Llamanit, ku 4 adoleshentë ishin futur në det me dy mjete lundruese Jet Ski. Mjetet lundruese u përplasën me njëra-tjetrin dhe si pasojë ndërroi jetë 16 vjeçari K.Xh. dhe tre të tjerët mbetën të plagosur.
Një qytetar ka raportuar për JOQ se pronari i mjeteve lundruese Jet Ski, të cilat i kishin marrë me qira adoleshentët, është shtetasi Renato Panajoti, babai i 18-vjeçarit Kristi Panajoti, i cili humbi jetën në një aksident tragjik në Vlorës.
Sipas qytetarit, Renato Panajoti është miku i kryeministrit Edi Rama dhe mjetet lundruese i mbante pa dokumente dhe policia nuk kryente kontrolle mbi të me urdhër të mëdhenjve që miku i kreut të qeverisë të mos cenohej. Pas ngjarjes dje, qytetari thotë se Panajoti u shoqërua në komisariat, por është liruar pas disa orëve.
“Pronari i Jetsky-ve ne Llaman,Renato Panajoti,babai i djalit qe u vra ne ne gropen e hapur ne lungomare ne nisjen e saj,miku i Edi Rames.Mjetet lundruse i mbante pa dokumenta dhe policia nuk i afrohej per te kontrolluar me urdher te te medhenjve.Ne dijeni dhe shefat se mjetet jane pa dokumenta ,dhe ate zone e patrullonin te besuarit e shefave ne menyre qe miku i Edi Rames mos te cenohej.U ndalua diten e djeshme per ngjarjen e ndodhur ne Llaman ku per pasoj humbi jeten nje femije 16 vjec te cilit nuk duhej ti lihej drejtimi i jetsky-ve,dhe u leshua brenda disa oreve me urdher nga lart.Ketu jetojme ne.” – shprehet qytetari.
