Gjatë natës së mbrëmshme, anija “Butrinti”, pjesë e misionit “Sea Guardian” në detin Egje, ka shpëtuar nga rreziku 3 gomone me 37 emigrantë të paligjshëm.
Ata po tentonin të kalonin në ujërat greke.
Mësohet se emigrantët fatmirësisht gëzojnë shëndet të mirë.
“Kalimi i paligjshëm në detin Egje është një sfidë e madhe, jo vetëm për Aleancën e NATO-s, por edhe për vendet tranzit që duhet të përballojnë një fluks të vazhdueshëm të emigrantëve të paligjshëm.
Besimplotë, se vetëm përmes bashkëpunimit, mund të adresojmë këtë sfidë dhe të garantojmë jetën dhe sigurinë e të gjithë atyre që përfshihen në situata të tilla. #WeAreNato”, thuhet në njoftim.
