Dy menaxherë lokalesh janë proceduar në Sarandë, pasi akuzohen për ndotje akustike.
Blutë bëjnë me dije se ka nisur procedimi për shtetasit, 38 vjeç, banues në Tiranë dhe 41 vjeç, banues në Sarandë, pasi lejonin muzikën e lartë në lokal jashtë orarit të lejuar, duke prishur qetëësinë publike.
“Si rezultat i kontrolleve të kryera gjatë mbrëmjes dhe gjatë natës, nga shërbimet e Komisariatit të Policisë Sarandë, në subjekte të ndryshme në zonën urbane dhe në atë bregdetare, për të verifikuar zbatimin e ligjit mbi orarin dhe nivelin e muzikës, janë konstatuar dhe goditur 2 raste të tjera të paligjshmërive në këtë fushë.
Për këto raste, janë referuar materialet në Prokurori ku ka nisur procedimi në gjendje të lirë për menaxherët e 2 lokaleve, shtetasit, 38 vjeç, banues në Tiranë dhe 41 vjeç, banues në Sarandë, për veprën penale “Prishja e qetësisë publike”.
Gjithashtu, Policia ka sekuestruar në cilësinë e provës materiale pajisjet që gjeneronin muzikën”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.
