Dhjetëra automjete janë duke pritur në radhë kilometrike në aksin Thumanë – Fushë Krujë, si pasojë e trafikut të rënduar.
Prej orëve të pasdites së kësaj fundjave segmenti i rrugës në të dalë të superstradës pranë Thumanës deri në Fushë Krujë, ka rezultuar me fluks mjaft të madh automjetesh, ndërsa në orët e mbrëmjes, mjetet e shtuara në drejtimin jugor, arritën deri në dy korsitë e superstradës.
Shkak i trafikut është bërë fluksi i madh i mjeteve që qarkullojnë në këtë aks. Shumica prej tyre raportohet se janë turistë të huaj.
Kujtojmë se gjatë sezonit veror ky aks rrugor ka mbartur probleme nga trafiku i rënduar thuajse gjatë gjithë sezonit turistik.
