Ballkani i Ilir Dajës ka arritur të dominojë dhe të fitojë me rezultat të pastër edhe në ndeshjen e kthimit të zhvilluar në Irlandën e Veriut përballë Larnes, sfidë e vlefshme për fazën e dytë të Ligës së Konferencës.
Kampionët e Kosovës e gjetën katër herë rrugën e rrjetës, teksa pësuan vetëm një herë. Pjesa e parë u mbyll me epërinë e dyfishtë të Ballkani falë dygolëshit të Nazmi Gripshit (27’, 36’) dhe me asiste të dyfishtë të Albion Rrahmanit.
Fraksioni i dytë i lojës nisi sërish me gol, që mban firmën e Albion Rrahmanit. Bonis i vendësve shkurtoi diferencën në 1-3 fale ekzekutimit të saktë të një 11-metërshi, ndërsa llogarite me Larnen i mbylli Kryeziu në minutën e 66-të me golin e 1-4.
Ballkani avancon me rezultat të përgjithshëm 7-1, pas fitores 3-0 dhe në Kosovë, ndërsa në raundit e tretë të Ligës së Konferencës do të ketë përballë Lincoln Red Imts të Gjibraltarit, ku do të ketë shanse të mira për të kaluar në play off.
Sikurse pritej, mbyllet aventura e Dukagjinit në Evropë. Skuadra nga Klina u mposht thellë 6-1 nga Rijeka, që e kishte fituar edhe sfidën e parë në Kosovë 0-1. Golin e vetëm të Dukagjinit në fushën e Rijekës e realizoi Zylfiji.
Po ashtu, është eliminuar edhe Drita e Gjilanit pas humbjes 1-2 me Viktoria Pilzen, duke mos e shfrytëzuar rezultatin 0-0 që mori në Çeki. Për Dritën realizoi Blerim Krasniqi, i cili u ndëshkua dhe me karton të kuq në fund të takimit.
