Një qytetar i cili mbeti i plagosur dy vjet më parë, ka marrë rolin e Prokurorit dhe ka kundërshtuar në Gjykatën e Apelit lirimin e personit që tentoi ta vrasë.
Si pikë më të fortë, qytetari dhe avokati i tij kanë akt-ekspertizat mbi të cilat bazohet gjykata e Beratit, kur thotë se i dyshuari vuan nga migrena dhe për këtë arsye, ai duhet të lërë qelinë.
Alban Qafa i cili përfaqëson në hetimin penal të dëmtuarin Iliaz Ismailaj këmbëngul në Gjykatën e Apelit se autori i dyshuar i konfliktit me armë Adriatik Shabanaj duhet të kthehet në qeli. Pasi i dëmtuari Ismailaj dorëzoi apelim, pas tij reagoi dhe prokuroria që nuk ishte dakord me vendimin e gjykatës.
“Ka konsideruar migrenën dhe gjendjen e rënduar psikologjike të familjes të të arrestuarit si shkak për ta liruar, a thua se këta 5 – 6 mijë të tjerët që janë në burgje, familjarët e tyre janë të lumtur se i kanë djemtë apo fëmijët e tyre nëpër burgje. Ky është rasti i parë unik, kur gjykata e shkallës së parë del mbi një vendimmarrje të Gjykatës së Lartë.”- shprehet për Tch, Alban Qafa, avokati i Iliaz Ismailajt.
Në vendim gjykata shkon se i akuzuari për vrasje me dashje të mbetur në tentativë duhet të lërë burgun mbasi nuk ka rrezik ikjeje.
“Unë mbroj të plagosurin Iliaz Ismailaj që është plagosur në maj të vitit 2021 në qytetin e Beratit, kanë qenë të akuzuar fillimisht 5 persona për këtë ngjarje, pastaj gjatë hetimeve, prokurori ka ndërruar klasifikimin e veprës për katër prej tyre, duke lënë vetëm dy persona nën akuzë për vrasje të mbetur në tentativë, e kryer në bashkëpunim, megjithëse ngjarja është e filmuar. Është regjistruar fillimisht për të pestë këta, ashtu sik ka qenë e filmuar me kamera me pamje filmike, të njëjtat pamje janë, por ndoshta këtë herë organi i akuzës i sheh me syze dhe ndërron veprën penale për 4 prej këtyre shtetasve.” – tha Alban Qafa, avokati i Ismailajt.
Ismailaj u plagos pak kohë pasi i kthye nga Anglia dhe fillimisht deklaroi në polici se ishte vetëplagosur për shkak të gjendjes së rënduar psikologjike. Edhe I dëmtuari është nën hetim për deklarim të rremë para policisë ndërkohë që çështja është sjellë në Tiranë./Tch
