WhatsApp sjell video mesazhet menjëhershme. Njoftimi i Mark Zuckerberg u bë disa orë pas publikimit të të dhënave tremujore, të cilat nxirrnin në pah se sa shumë e ka dëmtuar Meta – n, basti për Metaverse (21 miliardë dollarë të humbura). Dhe ndoshta kjo shpjegon mirë se si Meta ka vendosur të fokusohet në shërbimet më të forta, të cilat në fund të fundit janë ato që e kanë kthyer kompaninë në një perandori teknologjike.
Në fakt, tashmë është e mundur që të regjistrohen dhe shpërndahen video të shkurtra personale direkt në bisedat e WhatsApp. Gjithçka buron nga përvoja e mesazheve zanore në WhatsApp, të cilat në fakt kanë ndryshuar mënyrën e komunikimit të njerëzve “falë mundësisë për të shpërndarë zërin shpejt dhe në mënyrë të sigurt”. Evolucioni i këtij funksioni ka të bëjë me video-mesazhet e reja të çastit: “tani mund të regjistroni dhe ndani video të shkurtra personale direkt në chat”.
Mesazhet video do të kenë një kohëzgjatje maksimale prej 60 sekondash. “Besojmë – shkruajnë nga Meta – se do të jetë një mënyrë argëtuese për të ndarë momentet me gjithë emocionin që përcjellin videot, qoftë për të uruar ditëlindjen, për të qeshur me një shaka apo për të dhënë një lajm të mirë”.
Udhëzimet jepen nga vetë Meta: “Të dërgosh një video mesazh është po aq e thjeshtë sa të dërgosh një mesazh zanor. Thjesht prekni për të kaluar në modalitetin e videos dhe mbajeni për të regjistruar. Ju gjithashtu mund të rrëshqisni lart për të regjistruar video në mënyrë automatike. Videot do të luhen automatikisht në bisedë pa zë. Për të aktivizuar audion, thjesht prekni videon. Mesazhet video mbrohen me enkriptim nga skaji në skaj për të garantuar sigurinë e tyre.
