Eldorian Hamiti dhe Juxhin Xhaja janë përzgjedhur për dy ndeshje të Conference League. Dy arbitrat e njohur të Superiores do të gjykojnë përkatësisht takimet Sepsi – CSKA Sofia dhe Steaua – CSKA 1948 Sofia.
Këto dy takime janë programuar të zhvillohen të enjten e datës 3 gusht. Ndihmës të Hamitit janë caktuar Denis Rexha dhe Erind Burgu, ndërsa arbitër i katër Erjon Bastari.
Ndërkaq Juxhin Xhaja do të ketë asistentë Nertil Bregasin dhe Arbër Pemën në Steaua – CSKA 1948. Në këtë takim do të jetë gjyqtare e katërt Emanuela Rusta.
