Ndërsa raportonte mbi tragjedinë e ndodhur në Karysto të Greqisë ku humbën jetën dy pilotë avioni në tentativë për shuarjen e flakëve, gazetarja e ERT, ka shpërthyer në lot.
Ajo ishte në transmetim live edhe në momentin kur avioni u ul të fikte flakët e më pas humbi orientimin dhe u rrëzua.
“Ne ishim duke filmuar për të marrë plane, kur pamë që avioni humbi ekuilibrin dhe u rrëzua, duke shpërthyer më pas në flakë. nuk po u besonim dot syve në ato momente”, tha ajo.
Në këtë aksident tragjik humbën jetën pilotët grekë Christos Moulas, 34 vjeç dhe Periklis Stefanidis, 27 vjeç. Pas lajmit të trishtë, Forcat e Armatosura kanë njoftuar tre ditë zi në nder të tyre. Pamjet dramatike janë transmetuar në lidhje direkte në disa media helene.
