Nga 29 korriku deri më 3 gusht, maturantët që duan të nisin studimet e larta, mund të rendisin në portalin u Albania dhjetë degët e pëlqyera për të cilat plotësojnë kushtin e mesatares.
“Ato degë që nuk kap mestaren nuk i shfaqen fare në formularin A2. Kur mbyll aplikimin maturantët të bëjnë kujdes të konfirmojnë. Me tre gusht pas mbylljes së procesi sistemi përfundon të dhënat. Ato universitete që kanë konkurse i shkarkojnë datat brenda 6 gushtit dhe i shpallin në webin e tyre ditët e testimit”- thuhet në njoftim.
Kandidatët për studentë mund të mësojnë se në cilat degë janë shpallur fitues po përmes portalit u Albania. Listat shpallen me 27 gusht ndërsa dy ditë me pas nis procesi i regjistrimit. Ndryshe nga vitet e shkuara ai do të zhvillohet me dy raunde. Raundi i parë do të vijojë të ketë shtatë faza 48 orëshe.
“Duhet të ndjekin lëvizjen e vijës përmes ngjyrave. Kur janë fitues duhet të regjistrohen brenda 48 orësh që të mos humbasin vendin, regjistrimet vijojnë deri më 11 shtator. Pas pesë ditësh portal rihapet për raundin e dytë. Ky do të jetë më i shkurtër, vetëm tre ditë pasi dhe numri maturantëve është më i vogël”-njoftohet më tej.
Viti i ri akademik, më dy tetor, nis me rreth 95% të studentëve të ulur në auditore. Ndërkohë kandidatët për studentë të cilët nuk janë shpallur fitues në asnjë program studimi në dy raundet e parë kanë dhe një mundësi të fundit. Megjithëse shkolla ka filluar ata mund të regjistrohen për tu bërë pjesë e fakulteteve ku kanë mbetur vende të lira.
