Një ngjarje e rëndë është regjistruar në Itali, ku një djalë dy vjeçar u mbyt në pishinën e vilës familjare. Tragjedi ka ndodhur në Taurisano, në provincën e Leçes.
Djali i vogël ndodhej me nënën dhe gjyshen e tij, në momentin kur u largua pa e kuptuar dy gratë. Ai u fut në pishinë duke iu shpëtuar kontrollit të të afërmve. Ka qenë gjyshja ajo që ka zbuluar trupin në ujë. Menjëherë në vendngjarje ka mbërritur ambulanca e 118-ës, por fëmija tashmë kishte ndërruar jetë.
Policia ka nisur hetimet për aksidentin. Ky është rasti i disatë në Itali që ndodh mbytja e të miturve në pishinë, që në shumicën e rasteve kanë shkak pakujdesinë e familjarëve.
