Një 70-vjeçar ka humbur jetën në mënyrë tragjike në Berat, pasi ka prerë këmbën me troko duke punuar dhe ka ndërruar jetë nga gjakderdhja.
Burime bëjnë me dije se viktima është shtetasi Petrit Dollani, banues në lagjen “30-Vjetori” në Berat, i cili vijonte punën e tij si murator, edhe pse në moshën e tretë.
Gjatë një pune private në në banesë në periferi të qytetit,ai ka prerë aksidentalisht këmbën me troko dhe është transportuar fillimisht drejt spitalit të Beratit dhe më pas drejt Spitalit të Traumës,për shkak të gjakderdhjes.
Mësohet se Dollani gjeti vdekjen sapo mbërriti në Spitalin e Traumës në Tiranë. Ngjarja ka ndodhur dy ditë më parë, ndërsa Policia nuk ka publikuar asnjë komunikatë në lidhje me këtë ngjarje.
Bashkëshortja dhe 4 fëmijët e tij e kanë përcjellë ditën e djeshme Petrit Dollanin për në banesën e tij të fundit.
