Kiliani Gary Medel, i njohur me nofkën “Pitbulli”, do të vijojë karrierën në elitën e futbollit brazilian, teksa është transferua te Vasko de Gama, skuadra bardhezi, ku pak ditë më parë u prezantua edhe ish-sulmuesi i Skënderbeut dhe Laçit, Serxhio Junior.
35-vjeçari, Medel, ishte pjesë e Bolonjës në katër vitet e fundit, teksa më parë ka luajtur me skuadra si Interi, Sevilja dhe Boka Junior.
Kiliani Medel, e nisi karrierën si mesfushor “shkatërrues” dhe nga fundi u tërhoq në qendër të mbrojtjes, ka firmosur deri në dhjetorin e vitit 2024 me klubin e ri të Vasko de Gamës. Ai gjithashtu ka veshur 152 herë fanellën e Kilit. Kombëtare me të cilën ka fituar dy herë Kupën e Amerikës (2015, 2016).
