Dukagjini ishte surpriza e kampionatit në Superligën e Kosovës, duke arritur që të kualifikohet në Ligën e Konferencës.
Skuadra nga Klina përfitoi për shkak të mos-licencimit të Prishtinës dhe siguroi Europën, teksa ka nisur edhe merkaton për të bërë sa më mirë në kampionat.
Kështu, Dukagjini ka arritur të sigurojë shërbimet e Iran Junior, ish-mesfushori i Teutës në Superiore.
Futbollisti brazilian nuk kishte shumë hapësira te “djemtë e detit” dhe u largua në drejtim të Kosovës ku ka bërë mjaft mirë duke bindur drejtuesit e Dukagjinit.
“Futbollisti, Iran Junior është futbollisti më i ri i klubit tonë. Ish-anëtari i klubit te Teutës në Shqipëri dhe shumë skuadrave në futbollin brazilian është bashkuar me klubin tonë. Mesfushori me tipare ofensive në Superligën e Kosovës është paraqitur së fundmi me klubin e Dritës dhe të Ulpianes, ku ka pasur paraqitje mjaftë të mira”, shkruan klubi nga Klina.
