Vjen në raundin e dytë surpriza e parë në Wimbledon teksa numri katër i renditjes botërore, Casper Ruud u eliminua pas 3 orë e 28 minutash betejë me Liam Broady.
Tenisti britanik, numri 142 në renditjen botërore e mposhti Ruud me shifrat 3-2 teksa 29-vjeçari e tregoi që në setin e parë se nuk kishte zbritur në fushë për “shëtitje”.
Pikërisht, seti i parë shkoi në favor të Broady me shifrat 6-4 ndërsa në dy setet pasardhëse, Ruud ia doli të përmbyste duke i fituar ato 3-6 dhe 4-6. U duk se sfida do të shkonte në favor të norvegjezit, por Broady nuk e kishte thënë ende fjalën e fundit dhe fitoi setin e katërt me shifrat 6-3.
Seti i pestë dhe ai finali, nuk pati histori me Broady që dominoi dhe Ruud që iu desh të dorëzohej duke e humbur 6-0.
Në këtë formë, Ruud ashtu si edhe sezonin e kaluar të Wimbledon, nuk mundet të shkojë përtej raundit të dytë duke treguar dobësi në terrenin me bar.
Nga ana tjetër, pasi siguroi kualifikimin në raundin e tretë, Broadyn e pret sfida me kanadezin Denis Shapovalov.
