Deputet i Partisë Socialiste, Denis Deliu ka folur për videoskandalin dhe arrestimin e ish-kryetarit të Bashkisë Kukës, Safet Gjici, i cili kryente marrëdhënie seksuale me 40-vjeçaren Alma Kaçi, ku dukej se në këmbim i kishte premtuar projektin për sterilizimin e qenëve të qytetit.
Deliu ka dënuar veprimin dhe u shpreh se ky rast duhet të bëhet shembull për çdo zyrtar që merr poste publike, teksa shtoi se zyra e shtetit duhet të respektohet nga çdo pushtetar.
“Nuk e meritonim ne si PS këtë ngjarje. I qëndroj kësaj që, një gabim i Gjicit, që mendoj se e mori dënimin e merituar, uroj të jetë shembull për çdo zyrtar që merr poste publike. Zyra e shtetit duhet respektuar dhe nuk duhen tejkaluar kompetencat. Sa më njerëz të mirë të kandidojnë do kemi rezultate dhe punë më të mira”, u shpreh Deliu në News 24.
