Klodian Duro do të jetë trajneri i ri i Gjilanit. Ish-mesfushori i Kombëtares që ka drejtuar disa skuadra në Superiore, rikthehet pas një pushimi relativisht të gjatë duke marrë drejtimin e skuadrës që militon në Superligën e Kosovës.
Pas largimit të Zekirija Ramadanit, Gjilani do të jetë nën drejtimin e Duros i cili nuk ka shukmë kohë për të humbur duke qenë se do të përballet shumë shpejt me Progres Niedekorn nga Luksemburgu në Ligën e Konferencës.
Trajneri Duro do të ketë rreth 3 javë kohë për të përgatitur ndeshjen e turit të parë duke qenë se Gjilani zbret në fushë në datën 13 korrik dhe një javë më vonë luan edhe ndeshjen e kthimit. Për herë të fundit, ai ishte trajneri i Lushnjës duke u larguar në tetor 2022.
