Viktor Vescovo është një eksplorues i jashtëzakonshëm. Amerikani nga Teksas është i pari njeri në botë që është ulur në 5 pikat më të thella të globit me nëndetësen e tij speciale dhe ka prekur majën më të lartë të planetit dhe hapësirën.
Ai ka më shumë se 50 vite që bën zhytje në thellësitë e deteve, dhe rrëfen për mediat e huaja se asnjëherë nuk ka pësuar lëndime.
5 personat që u shpallën të pajetë të Enjten pasi nëndetësja “Titan” shpërtheu pranë mbetjeve të Titanikut në oqean, ishin miq të tij. Për këtë tragjedi, Vescovo thotë se ndodhi për shkak të një defekti teknik dhe faktit që ekipi i kompanisë përgjegjëse nuk u tregua i kujdesshëm.
Por çfarë e lidh Viktor me flamurin shqiptar?
Gruaja e tij, Monica Beu është shqiptare dhe në respekt e shenjë dashurie ndaj saj, Viktor e ka mbajtur flamurin shqiptar gjithnjë në uniformë dhe pajisjet e tij bashkë me dy flamuj amerikanë, qoftë kur ka eksploruar detin, majat e maleve apo hapësirën.
Gazetari Blendi Fevziu ka ndarë në rrjetin e tij social Instagram disa foto ku prej reportazhit për nëndetësen “Titan” shihet dhe flamuri kuq e zi në nëndetësen e quajtur “Triton”.
“Kjo eshte historia e rralle e Flamurit Shqiptar qe preku 5 pikat me te thella te globit dhe hapesiren. Dje ne nje reportazh per nendetesen Titan qe shpertheu ne afersi te mbetjeve te Titanikut u shfaq edhe flamuri shqiptar sic duket ne foto. Ne fakt flamuri shqiptar nuk ka qene ne nendetesen Titan, por ne simotren e saj Triton. Dhe jo vetem ne te. Flamuri shqiptar ka qene ne gjithe nendeteset qe jane ulur ne 5 pikat me te thella te globit. Kjo fale nje amerikani qe ja dedikon ate gruas se tij shqiptare. Victor Vescovo eshte nje amerikan nga Teksasi dhe i pari njeri ne bote qe eshte ulur ne 5 pikat me te thella te globit me nendetese speciale ndertuar per kete mision. Me 28 Prill 2019 ai u ul ne piken me te thelle te Oqeaneve te Globit ne thellesine 10928 m. Me pas ai eksploroi 5 pikat me te thella te globit ne kuader te ekspedites Five deeps expedition. Me 24 Maj 2010 ai ishte ngjitur ne majen me te larte te botes ne Himalaje. Ndersa ne 2022 ai fluturoi ne hapesire me anijen New Shepard. Ai eshte njeriu i vetem ne glob qe ka arritur piken me te ulet, piken me te larte te globit dhe hapesiren. Ai mban gjithnje ne uniforme dhe ne pajisje, flamurin e Teksasit, 2 flamuj amerikane dhe flamurin shqiptar. Ne respekt te gruas se tij, Monica Beu dhe te popullit, qe sic e quan ai ka nje histori te jashtezakonshme.” shkruan Fevziu.
Vescovo, u ul në pikën më të thellë të oqeaneve në thellësinë 10928 m më 28 Prill të 2019-ës, më pas ai eksploroi 5 pikat më të thella të globit në kuadër të ekspeditës “Five deeps expedition”. Më 24 Maj 2010 ai u ngjit në majën më të lartë të botës në Himalaje, ndërsa në 2022 ai fluturoi në hapësirë me anijen “New Shepard”.
Monika ka marrë mbiemrin e tij dhe në rrjetet sociale ajo nuk i kursen fotot me partnerin e saj të zemrës apo dedikimet. Nga ana tjetër, Viktor ka një konsideratë të veçantë për historinë e Shqipërisë të cilën e konsideron të jashtëzakonshme.
Më poshtë fotot e çiftit Viktor Vescovo dhe Monica Beu
