Drejtoria e Përgjitshme e Transportit Rrugor ka vendosur pezullimin e aktivitetit për 13 autoshkolla. Më konkretisht për 10 prej tyre është vendosur pezullimi i aktivitetit vetëm për 1 muaj, ndërsa për 3 të tjerat është kërkuar pranë QKB-së heqjen e licensës.
Gjithashtu, është propozuar për largim nga detyra për 1 Përgjegjës Sektori Leje Drejtimi, Tiranë dhe ndalim ushtrim profesioni për 2 instruktorë autoshkolle. Për 1 Specialist Regjistrimi Mjeti, Tiranë, është vendosur masë e rëndë disiplinore për shkelje në lëshimin e Lejes së Qarkullimit për 1 mjet autoshkolle.
DPSHTRR njofton se ka ushtruar kontroll në 70 subjekte autoshkolla në Qarkun Tiranë, për muajt Prill-Maj 2023, ku u konstatuan 66 subjekte me 185 raste mangësish, nga të cilat 53 subjekte korrigjuan pozicionin e tyre para ligjit brenda afateve; u kontrolluan 270 mjete Autoshkollë nga të cilat 68 u gjetën me parregullsi.
Sipas njoftimit, mangësitë kryesore të konstatuara janë oraret e pa afishuara; Rregullore të pa përditesuara; Tabela keqinformuese! Autoshkolla reklamon për kategori Leje Drejtimi që nuk është e licensuar si aktivitet; Regjistrat teori/praktikë të pa azhurnuara; Amza e pa protokolluar pranë DRSHTRR-ve; Klasa të pa pajisura sipas kritereve; Tabelat e mjetit autoshkollë jashtë standardi; Ambjenti jo i rregullt/jofunksional; Autorizime mjeti dhe instruktorësh të skaduara; Parregullsi teknike në mjete.
Të dhënat i janë dërguar dhe Autoritetit të Konkurencës.
