Deputeti i Partisë Demokratike, Ervin Salianji, ka komentuar mbrëmjen e sotme aksion policor, në kampin e MEK në Manzë të Durrësit.
I ftuar në emisionin Çim Peka, Salianji është shprehur se policia e shteti sillet sipas interesave dhe nevojave të kryeministrit Rama.
Ndër të tjera, Salianji shprehet se policia sillet dhunshëm, me brutalitet, e me gaz lotjellës kur i jepet urdhër ‘nga lart’.
në cilin do rast që e kërkon Rama sillet në mënyrë të dhunshme dhe kjo me muxhahedinët nuk është e veçantë.
“Kjo polici që sillet në këtë mënyrë në kampin e muxhaheduinëve është sjellë në të gjitha rastet ku e ka kërkuar nevoja e Ramës. Ajo ka vepruar me brutalitet me dhunë me gaz në çdo moment kur është kërkuar.
Kemi një deklaratë publike të ministrit që shprehet se nuk kemi pasur koordinim me partnerët por kem pasur njoftim sepse jemi një shtet sovran, kur e do nevoja dalim shtet sovran kur nuk e do dalim të varur.
A ka tejkaluar polica e shtetit ligjin për këtë operacion dhe a janë shkelur të drejtat e njeriut, këto janë pyetjet që duhet të jepen përgjigje. Unë jam përfaqësues i qytetarëve shqiptar dhe jam pjesë e komisionit të sigurisë dhe mbaj një qëndrim të caktuar kur janë delegacione nga të gjithë bota.
Ne nuk jemi në luftë me Iranin por ne nuk e ndjekim modelin që Irani ka dhe praktikon”,- u shpreh Salianji.
