Një 44-vjeçar është arrestuar ditën e sotme nga Policia, pasi ka lënë një sasi lënde plasëse në oborrin e një banese në Vorë. Sokol Mesiti, 44-vjeç, telefonoi në polici për të denoncuar Kujtim Kaçurrin për mbajtje të tritolit, por që në fakt e vendosi vetë për ta inkriminuar. Ai u zbulua më pas nga kamerat e sigurisë.
Sokol Mesiti gjatë marrjes në pyetje ka treguar se veprimin e kishte ndërmarrë pasi sipas tij Kaçurri e shante tek të tjerët dhe e cilësonte si hajdut. I ndjerë i fyer, sipas Mesitit, vendosi që të hakmerret dhe të vendoste sasinë e tritolit në banesën e Kaçorrit.
Burime nga policia thonë se Sokol Mesiti është person me precedent të mëparshëm penal, i dënuar për vjedhje.
Mesiti dhe Kaçurri nuk jetojnë në të njëjtin fshat.
Identifikimi i autorit u bë përmes pamjeve të kamerave të sigurisë, të cilat kombinuan edhe me provat materiale të gjetura në shtëpinë e Mesitit, veshtjet që përdori gjatë vendosjes së kallëpeve të tritolit.
