Ish-partnerja e Silvio Berlusconit, Francesca Pascale, ka prekur me fjalët e saj pas ndarjes nga jeta e ish-kryeministrit italian.
Duke folur për “La Repubblica”, Fracesca ka deklaruar se Berlusconi ka qenë një udhërrëfyes për të dhe i ka dhënë shumë jo vetëm nga ana ekonomike por dhe nga ajo shpirtërore.
“Është e trishtë, kam një rëndesë në zemër, fjalët mungojnë, vdekja është diçka serioze”. Këto kanë qenë fjalët e Francesca Pascales, e cila për më shumë se 10 vite ka qenë partnerja e ish-kryeministrit italian, Silvio Berlusconi. Sot ndiej vetëm dhimbje dhe kjo gjë nuk shpjegohet, me Silvion mund të kishe përplasje por ishte e vështirë ta fshije përgjithmonë, e doje dhe e urrejë në të njëjtën kohë. Ai ishte jeta ime e vjetër, e cila sot vdiq bashkë me të”,-tha ajo.
Ish-kryeministri italian Silvio Berlusconi i njohur si ‘Kavalieri’ ka vdekur në moshën 86-vjeçare. Ai ndërroi jetë në spitalin San Raffaele në Milano, pasi vuante nga leuçemia kronike.
