Dy persona janë plagosur nga zjarri që ka rënë në një banesë në Patos. Flakët, sipas hetimeve paraprake, ranë pas rrjedhës së gazit nga një bombol që familja përdorte.
“Rreth orës 09:15, dyshohet se për shkak të rrjedhjes së gazit nga një bombul gatimi, ka rënë zjarr në banesën e shtetasit F. S., 69 vjeç, në lagjen “Grizë”, Patos. Si pasojë, ka pësuar djegie trupore shtetasi F. S., shtetasja Y. S., 67 vjeçe dhe shtetasja D.Sh, 40 vjeçe, të cilët ndodhen në spital për ndihmë mjekësore”, njoftoi policia.
Grupi hetimor ndodhet në vendngjarje dhe po punon për sqarimin e rrethanave të ngjarjes, shtuan të njëjtat burime.
